حد عندة فكرة عن الاسعار يجدعان اية النصب دة العربية تزيد اكتر من 10 الالف بجد حرام
جين 2 مانيوال ب 99 واتوماتيك ب 105 ليـــــــــــــــــــــــ ــــــــــــــــــــة انا هقاطع يجماعة حد معايا؟
عرض للطباعة
حد عندة فكرة عن الاسعار يجدعان اية النصب دة العربية تزيد اكتر من 10 الالف بجد حرام
جين 2 مانيوال ب 99 واتوماتيك ب 105 ليـــــــــــــــــــــــ ــــــــــــــــــــة انا هقاطع يجماعة حد معايا؟
انا قاطعت خلاص واجلت موضوع شري اي عربية سواء جين او غيرها لشهر سبعة الجاي لغاية ما نشوف ايه اللي بيحصل انا عندي اروح اشد عربيتي احسن ما اغيرها بعربية بتغلي3 الاف في اليوم عشان احنا بتشتريها
ياجماعة بجد الموضوع محير ومقرف كمان لا احنا عارفين دى بداية الذيادة وممكن يكون الى جاى سىء ومفيش حاجة خالص بتدينا امل ان بكرة احسن للاسف
فمش عارف نشترى وساعتها ممكن نكون لسعتنا بسيطة ولانستنى ويمكن منقدرش نشترى ؟؟؟؟؟؟؟؟؟؟؟؟؟؟؟
ده مش اسعار دي ....
.. التجار فى مصر لما سعر الدوﻻر بيزيد 1% بيزودو السعر 10 % شوية ناس جشعة مثﻻ اليورو بقله فترة مريح مقابل الدوﻻ و مع ثبات الدوﻻر مقابل الجنيه خﻻل السنة الى فاتتت 2012 و تخغيض ااجمارك بمعدل 10 % سنوى كان المنطقى ان اﻻوروبى يرخص بس العكس حصل
طبعا دلوقتى هيولعو ا اﻻسعار و خصوصا فى ااعربيات الى عايها طلب عالى زى االهيونداى و الكيا
الى ناوى يشترى عربية و لسا مقررش يحول الغلوس لدوﻻر و لما يجى يشترى يبقى يغيرها مصرى تانى او يدفع بالدوﻻر
في أحسن الأحوال، أقصى ما يُتمنى أن تثبت الأسعار، وألا تواصل قفزاتها الجنونية.
للأسف، في البلد دي الحاجة إللي بتغلي، صعب للغاية - ولا أقول مستحيلا - أن ينخفض سعرها مرة أخرى.
جشع التجار والوكلاء وطمعهم وغياب الدولة وضعف الرقابة ودور الحكومة فضلا طبعًا عن تردي الوضع الاقتصادي كل ده وأكثر يؤدي إلى ما نحن فيه الآن، وربما أسوأ في مقبل الأيام.
المشكلة لا تكمن في ارتفاع أسعار السيارات فحسب، بل كل سلعة أساسية وكمالية على حد سواء سيطالها - بل طالها بالفعل - هذا الغلاء والبلاء، وأكثر من يتأثر بذلك هو الموظف البسيط، والرجل الغلبان الأرزقي في الأحياء الفقيرة والحواري والأزقة والقرى والنجوع والكفور.
فالله المستعان، وربنا يصلح الأحوال.
بركاتك ياحج مرسى يامظبطنا
قاطعوا يجماعه اللى معاه عربيه يستنى لما نشوف اخره هبل الاسعار ايه يارتها تيجى فى العربيات بس والله
كل الخامات زادت ففى كل المصانع وكل الاستيراد ولع وكله بسبب الدولار وازمه البلد وانهيار الاقتصاد وخسائر البورصه ودخل السياحه من البلد فى النازل
لك الله يامصر :s:s:s::(
ايه التضخم اللى احنا عايشين فيه دة!
انا عمري ما كنت اتخيل اللى بيحصل دة ، انا كنت بقول كل سنة ترفع 2000 حد اقصي ، انما فى سنة ونصف تقريبا ترفع 10 آلالف جديدة دي!!!
بس انا عند اعتقادي ان المستهلك هو اللى بيحدد السعر .
ومش المستهلك الفرد لوحده ، ده لازم يكون جماعة المستهلكين ، يعني خطوة جماعية تعمل تأثير.
طول ما الناس بتشتري الاسعار هتزيد اكيد.
وكل واحد بيشتري هيطبق على نفسه حكم المضطر طبعاً ، فالمضطرين هيشتروا والتوكيل هيضطر يرفع تاني بردو ، ماهو كله مضطر ^^
والله لما يجي شعر سبعة والبلد ما استقرتش هقعد بالشاهين وانا لما اروح اشتري دلوقتي فعلا بيروحوا يغلوا وانا متضامن مع اي حد بيقاطع شري عربيات هو العربيه تغلي عليهم شوية بيروحوا يزودوا في المكسب زيادة علي التمن يعني العربيه تغلي 5 الاف يروح يحط مكسب زيادة ادهم ليه كده بس وبعد كده السعر ينزل ويلاقي الناس بتشتري يسبته علي كده واهو الناس بتشتري علي اساس ان الدولار بيعلي ومبينزلش والجنيه المصري بينزل وما بيطلعش بس هو يمكن برضو من ظروف البلد انا مبرميش كل حاجة علي الوكلاء والتجار مع انهم جشعين انا راي ان اي حد معاه عربية يخليها معاه حتي لو سنة بس اهم حاجة ان كله يعمل كده مش يروح يجري ويقول بدل ما تغلي تاني ويخسر فيها ويدفع اد كده في الجديد
يعني انا كنت حاجزها من سنه و نص ب 84 دلوقتى ب 99 15 الف فرق
ده تخلف
ياجماعة الخلاصة ان المشكلة فينا كمشترين
لو احنا قاطعنا اى سلعة غليت مهما كان شدة احتياجنا ليها، مفيش اى تاجر هيقدريغلى اى قرش لانه هيكون عارف انها هتقعد فى ارابييزه
ولكن للاسف احنا كمصريين ملناش حل اطلاقا
كل مايكون فى حاجة بتغلى نجرى نقول يلا بينا نلحق لحسن هتغلى تانى ونشترى اى كمية حتى لو مش محتاجينها
كلامكو كلة جميل بس حد يدينا امل ان الاسعار ممكن تنزل ولا اى حاجة تخلينا نتفائل
اعتقد لو أنت حاجز، وفلوسك جاهزة، وكلمت مسؤول المبيعات، ممكن تخلص بالسعر القديم، أو بزيادة ألف أو اتنين بأقصى تقدير ....مش 6 آلاف مرة واحدة!
وحتى لو مش حاجز، وأخدت معاك فلوسك ورحت، كما يقول المثل: "ساعة الكاش، الغالي يبقى ببلاش"!
السوق عمومًا يعاني من حالة ركود حاليًا، وحالة من الترقب من جميع الأطراف.
فضلا أن احنا بنتكلم عن برووطون، مش هونضاي!
أقصد إن الطلب مش عالي على بروتون.
إيه رأي حضرتك في جرعة الأمل دي Overdose صح؟!
دي Overdose فعلا
ده اذا ما كانتش الاسعار زادت تاني
العربيات زادت من 12 - 22 الف
يعنى هو احنا فعلا لو قاطعنا الشراء ممكن الاسعار تنزل تانى !!!!!!!!!!!
اعتقد مستحيل بس بالنسبة ليا انا مجبر على المقاطعة عشان ماكنتش عامل حسابى على زيادة 12 الف جنيه فى 3 شهور بس !!!!!!
انا بقالى سنتين عايز اجيب عربية زيرو ومستنى اجمع فلوسها وقلت ابعد عن الربا عشان حرام بس حد يقولى الزيادة الفاجرة فى اسعار العربيات دى مش حرام برده
تقريبا حلم شراء العربية بيتبدد كل شوية وشكلى عبال ماحوش ال 95 الف دول حاروح اجيب بيهم توك توك هههههههههههههههههههههههه
حسبى الله ونعم والوكيل والله ربنا حيجازينا خير ان شاء الله
نفس حالتك والله العظيم كل ما اجى احجز عربية الاقيها زادت عن الفلوس اللى معايا
حسبى الله ونعم الوكيل والله ماانا شارى على الاسعار دى
خليك في المستعمل احسن حتي لو زاد مش حيزيد الزيادات الخزعبلية دي
مش البروتون بس ...
السيراتو الهاي لاين الجديدة ب 186 ألف جنيه
و الالنترا الهاي لاين السعر الجديد 180 ألف
الهوندا سيفيك 245 ألف
انا سمعت الارقام دي جسمي قشعر
و الحمد لله علي كل حال